منتديات ام درمان
منتديات ام درمان منتديات سودانية .
بها منتديات اجتماعية-سياسية-دينية-رياضية-علمية-فنية-ومنتديات عامة.
نحن علي ثقة بانها سوف تعجبك.
كل الذي نطلبه منك هو تسجيلك اولا ,
ونقول لك مقدما : شرفت المنتدي و مرحبا ببك.
الادارة


اهلا وسهلا بك زائرنا الكريم شرفت المنتدي نتمني ان تعمر منتدانا بتسجيلك و مساهماتك
 
الرئيسيةالبوابةس .و .جبحـثالتسجيلدخول
ترحب ادرة المنتدي بالاعضاء المنضمين للمنتدي وتتمني لهم الاستفادة الكاملة منه و قضاء وقت طيب و مفيد

شاطر | 
 

 الاستاذ هاشم صديق يكتب:تراجيكوميديا...وَرَل صحراوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
osman
عضو نشيط
عضو نشيط


عدد المساهمات : 40
تاريخ التسجيل : 23/10/2011

مُساهمةموضوع: الاستاذ هاشم صديق يكتب:تراجيكوميديا...وَرَل صحراوي   الثلاثاء نوفمبر 01, 2011 10:58 am







( مسطولان يجلسان علي شاطيء النيل غير بعيد .. عن مبني اتحاد الفنانين ... أحدهما ينهمك في ءاعداد سيجارة ( حشيش ) بتركيز شديد ... والآخر منكب علي مطالعة صحيفة فنية اجتماعية باهتمام شديد ... فجأة يرفع صوته وهو لا زال منهمكاً في التركيز علي الصحيفة ) المسطول الأول : ( في فزع ) ورل صحراوي المسطول الثاني : ( يشهق فزعاً وهو يكاد يهب واقفاً ... والسيجارة التي كان يعدها تسقط من يده ) وين ؟!! المسطول الأول : بسم الله الرحمن الرحيم ... خفت مالك ؟! المسطول الثاني : ( وهو يتلفت خائفاً ) ما .. ما انت قلت ورل صحراوي .. وين ؟ .. وين الورل ؟ المسطول الأول : ياخي ده خبر في الجريدة ... ورل صحراوي ظهر المسطول الثاني : ( يجلس وهو يزفر في ارتياح ) ظهر وين ؟! المسطول الأول : في اتحاد الفنانين المسطول الثاني : ( ساخراً ) بكون فنان شاب جديد المسطول الأول : ( ينفجر ضاحكاً ) يقومو يسموهو ... ورل الموردة ( يعود لمطالعة الصحيفة ... و الآخر يرفع سيجارة الحشيش عن ا|لأرض ... ويعود لمعالجتها ) المسطول الأول : ( يرتفع صوته وهو يطالع الصحيفة ) لاحول ولا قوة الا بالله .. الحكاية شنو ؟ المسطول الثاني : ( يلتفت اليه ) شنو ؟ المسطول الأول : ثعبان المسطول الثاني : وييييين ؟ المسطول الأول : قدام اتحاد الفنانين ... ظهر قبل اسبوع برضو المسطول الثاني : يا زووول المسطول الأول : والله ... ظهر في نفس الحته .. الظهر الفيها الورل المسطول الثاني : يعني حسه أنا لو عايز أحجز فنان من اتحاد الفنانين لي حفلة ... أشيل معاي بندقية خرطوش ... ولا أتصل بي حرس الصيد المسطول الأول : ( ضاحكاً ) زماااان ظهرت ( أَصَله ) برضو في نفس المكان .. طولها يخوف ... قطعت شارع الظلط .. ووقفّت الحركة .. ورفعت راسها فوق ... وفتحت خشمها المسطول الثاني : ما تقول لي .. رفعت راسها .. وفتحت خشمها ... وقعدت تغني ؟! المسطول الأول : ( ينفجر ضاحكاً ويعود للنظر للصحيفة ) ...و... وشوف كمان ... قطعوا الكهربا من ميدان التحرير المسطول الثاني : ( وهو يشعل سيجارة الحشيش بعد أن عالجها ) في القاهرة ؟! المسطول الأول : لا .. قدام اتحاد الفنانين .. محل ستات الشاي ... سموهو ميدان التحرير المسطول الثاني : ليه ؟! المسطول الأول : الفنانين والعازفين العندهم خلاف مع لجنة الاتحاد بجتمعوا هناك ... يتكلموا ويتناقشوا ... عشان كده قطعوا النور من العواميد البتلمو تحتها عشان ما يجتمعوا ويقلبوها المسطول الثاني : ( سازجاً بعد أن أخذ أنفاساً من سيجارة الحشيش ) الحكومة ؟! المسطول الأول : ( يتلفت فزعاً ) حكومة شنو يا زول .. يقلبوا ... اللجنة .. لجنة الاتحاد المسطول الثاني : ( وهو يمد له سيجارة الحشيش ) خُد ... جبّد .. وشوف لينا باقي الأخبار الظريفة في الجريدة دي المسطول الأول : ( بعد أن يأخذ أنفاساً من السيجارة ) ترباس قال لي حمد الريح ... أحسن ليك تخلي رئاسة الاتحاد .. وتعمل ( حمام الوادي يا راحل ) المسطول الثاني : ( ينفجر ضاحكاً ) هو مش برضو قال ليهو قبل كده أعمل حسابك .. أنا زي البيبسي .. تشربني أهضم ليك... تَخُجني أطلع بي نخزيك ؟! المسطول الأول : لا ... دي قالها لي سيف الجامعة .. والتجاني حاج موسى المسطول الثاني : برضو صلاح بن البادية ... قال لي هاشم صديق ... أنا بكتب شعر أحسن منك المسطول الأول : لا قال ليهو أنا بمدح أحسن منك المسطول الثاني : ( باصرار ) لا .. قال ليهو .. بكتب شعر أحسن منك المسطول الأول : لا ... قال ليهو .. أنا بمدح أحسن منك المسطول الثاني : ( بانفعال ) علي الطلاق قال ليهو أنا بكتب شعر أحسن منك .. و أنا قريت الكلام ده المسطول الأول : خلاص .. وكت حلّفت طلاق ... وقلت انت قريت الكلام ده ... تبقي انت الصادق ( يمد يده له بسيجارة الحشيش ) المسطول الثاني : ( بعد أن يأخذ أنفاساً من السيجارة ) انت صلاح بن البادية ده .. بلحن... وبغني .. ويكتب شعر ... ويمدح .. ويمثل في السينما بالمايوه .. ويشتم في الجرايد ... ؟! المسطول الأول : فنان شاااامل المسطول الثاني : ( بعد لحظات صمت ) قالوا عشمانه العرضه ... وكلتوم زقلونا ... اتشاكلن .. وعشمانه قالت لي كلتوم طالعيني الخلا المسطول الأول : انت الفنانين مالهم .. ؟ يا عيانين ... متشاكلين المسطول الثاني : وغُنا جديد .. مافي أصلو المسطول الأول : ( يعود للصحيفة ثم كمن يزف خبراً ساراً ) كيف ياخي ... في غنا جديد ... شوف ( يشير للصحيفة ) أهو أبوعركي ... عندو أغنية جديدة المسطول الثاني : ( هاشاً وفرحاً ) يا زول المسطول الأول : والله المسطول الثاني : اسمها شنو ؟ المسطول الأول : ( وهو ينظر للصحيفة ) يا موت ... مالك علي المسطول الثاني : تقصد ... يا قلب ... مالك علي المسطول الأول : لا ... هاك أقراها .. منشوره القصيدة كاملة .. ( يقرأ ) يا موت مالك علي أرهقتني وعذبتني هديت كياني من الألم ومن الهموم ما قادر ... المسطول الثاني : ( يقاطعه ) ياخوي أقيف عليك الله ...انت البنقو ده جبناهو من عفريت .. مما قعدنا .. ورل صحراوي .. وثعبان ... و أَصَله ... وميدان تحرير ستات الشاي ... وصلاح بن الباديه بالمايوه وفنانين متشاكلين وعيانين .. ويا موت مالك علي ... الحكاية شنو ؟! .. قوماك من الحته دي المسطول الأول : أقول ليك حاجة ؟! ياللاك نقعد جمب البحر ... قصاد قناة النيل الأزرق المسطول الأول : انت بمناسبة النيل الأزرق .. لو سألتك سؤال زي غلوطيه .. بتجاوبو .. كان شاطر ؟! المسطول الثاني : شنو ؟ المسطول الأول : الفرق شنو .. بين النيل الأبيض .. والنيل الأزرق .. يا شاااااطر ؟ المسطول الثاني : بسيطه المسطول الأول : شنو المسطول الثاني : النيل الأبيض .. فيهو وَرَل .. وأصله.. وثعبان .. وسمك .. وتماسيح المسطول الأول : والنيل الأزرق ؟ المسطول الثاني : فيهو ءاسراء .. و .. تسابيح ( ينفجران بالضحك ) 12/10/2011 هوامش : 1) قصيدة ( يا موت مالك علي ) ? كلمات أبوعركي البخيت ، وردت في صحيفة فنون بتاريخ 12/10/2011 ? الصفحة التاسعة 2) طرفة ( الفرق بين النيل الأبيض والنيل الأزرق ) اقتباس من (نكتة ) رائجة . الصحافة


q

_________________
وامتص السيجارة وهي انثي فتأوه بين يدي و تستنيم
قصيدة محمد المهدي المجذوب
الرجوع الى أعلى الصفحة اذهب الى الأسفل
 
الاستاذ هاشم صديق يكتب:تراجيكوميديا...وَرَل صحراوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ام درمان :: منتديات الفكاهة و التسلية :: النكات و الطرائف-
انتقل الى: